Туризм ва бизнес (иш сафари) тоифасидаги визаларга мурожаат этиш учун қуйидаги ҳужжатларни топшириш талаб этилади:

1. DS-160 электрон анкета. Бу анкета https://ceac.state.gov/genniv манзилида электрон равишда тўлдирилиши керак. Бу анкета, шунингдек, суҳбатга ёзилиш учун ҳам керак бўлади. Анкетанинг тасдиқлов варағини принтерда чоп этиб, суҳбатингизга олиб келинг. Тасдиқлов варағидаги штрих код қандай кўринишда бўлиши кераклигини мана бу расмда кўринг.
2. Хорижий сафарлар учун яроқли бўлган паспорт.
3. Сўнгги 6 ой мобайнида олинган фотосурат (фотосуратлар 5Х5 см ҳажмда ва оқ фонда  бўлиши керак). Фақат асл фотосуратлар қабул қилинади. Бирор усул билан ўзгартирилган (нусхаси олинган, сканер орқали тайёрланган, ўзгартирилган ва ҳоказо) фотосуратлар қабул қилинмайди. Қўшимча маълумотлар учун фотосуратларга талабларни (PDF 259 KB) кўринг. DS-160 анкетаси фотосуратни анкетага Интернет орқали бириктириш имконини беради. Консуллик Бўлими фотосурат анкетага бириктирилган тақдирда ҳам асл фотосуратни суҳбатга олиб келишни тавсия этади. Бу анкета тўлдирилгандан кейин техник носозликлар олдини олиш учун қилинади.

Диққат: АҚШ Давлат Хавфсизлик Вазирлиги (DHS) томонидан берилган барча ҳужжатлар талаб қилинмаса ҳам, уларни суҳбатга олиб келиш тавсия этилади.

Талабалар ва алмашув дастурлари қатнашчилари (F-1, M-1, J-1 визалари), вақтинча ишлаш (H, L, P ва O) визалари ҳамда уларнинг оила аъзолари туризм ва бизнес (иш сафари) тоифасидаги визаларга мурожаат этиш учун талаб этиладиган барча ҳужжатларни ҳамда уларга қўшимча равишда талаб этиладиган ҳужжатларни ҳам тақдим этишлари шарт.

Талабалик (F-1, M-1) визаларига мурожаат этувчилар учун талаб этиладиган ҳужжатларнинг рўйхати билан мана бу саҳифада танишиб чиқишингиз мумкин.

Алмашув дастурлари қатнашчилари (J-1) визаларига мурожаат этувчилар учун талаб этиладиган ҳужжатларнинг рўйхати билан мана бу саҳифада танишиб чиқишингиз мумкин.

Вақтинча ишлаш (H, L, P ва O) визаларига мурожаат этувчилар учун талаб этиладиган ҳужжатларнинг рўйхати билан мана бу саҳифада танишиб чиқишингиз мумкин.