Ўзбекистонда қонуний яшовчи барча шахс Ўзбекистон ҳудудида АҚШ визасига мурожаат этиши мумкин. Бироқ визага доимий яшаш жойида мурожаат этиш тавсия этилади. Бу сизнинг доимий яшаш жойингиз билан боғлаб турган ришталарни исботлашингизга ёрдам беради.

Визага мурожаат этаётганларнинг барчаси суҳбатга келиши шарт. А1, А2 (АҚШга давлат ишлари бўйича борувчи расмий шахслар) визаларига мурожаат этувчилар, С2, С3 (АҚШ ҳудудидан давлат ишлари бўйича транзит йўли билан ўтувчи расмий шахслар) ёки G1, G2, G3, G4 (АҚШга халқаро ташкилотлар билан боғлиқ ишлар бўйича борувчи расмий шахслар ёки халқаро ташкилотлар ходимлари) визалари учун мурожаат этувчилардан суҳбат пайтида шахсан бўлиш талаб этилмайди.

Виза турлари тўғрисидаги веб саҳифада айнан сиз мурожаат этмоқчи бўлган виза учун керакли ҳужжатлар ҳақида маълумотларни ўрганиб чиқинг. Одатда мурожаат этувчилар ўзлари билан қуйидаги ҳужжатларни олиб келишлари лозим: белгиланган суҳбат куни ҳақидаги тасдиқ вароғи, DS-160 анкетасининг тасдиқ вароғи, битта сўнгги олти ой ичида олинган 5х5 см фото сурат ва паспорт. Сиз Ўзбекистон билан боғлаб турувчи ришталарингизни кўрсатувчи бошқа ҳужжатларни ҳам олиб келишингиз мумкин. Лекин шуни таъкидлаш жоизки, суҳбат пайтида кўрсатилган ҳужжатлар сони эмас, балки кўзланган сафар ҳақида берилган аниқ ва рост маълумот ҳамда сизнинг доимий яшаш жойингиз билан боғлаб турувчи ришталар аҳамиятлироқдир.

Хавфсизлик қоидаларига риоя қилиш мақсадида ва бўш ўринлар чекланганлиги сабабли АҚШ консуллик бўлими мурожаат этувчига алоқадор шахслар, жумладан, дўст, қариндош, адвокат, таржимон ва бизнес ҳамкорларининг интервью давомида мурожаат этувчи билан бирга киришларига рухсат этилмайди. Мурожаат этувчига алоқадор шахс ушбу мурожаат билан боғлиқ маълумотларни консуллик бўлимига етказиш ниятида бўлса, бу маълумотни бевосита мурожаат этувчининг ўзига етказиши мумкин. Мурожаат этувчи кейин бу ҳужжатларни суҳбатга ўзи билан олиб келиши мумкин.

Балоғат ёшига етмаган болаларга ҳамроҳ бўлиб кираётган катталар ўзлари визага мурожаат этмаётган бўлсалар ҳам, рўйхатга ёзилишлари талаб этилади. Ҳамроҳ бўлиб кираётган катта  киши, агар ўзи ҳам визага мурожаат этаётган бўлмаса, анкета тўлдириши шарт эмас. Суҳбатга рўйхатга ёзилиш учун ушбу ҳамроҳ бўлиб кираётган катталар электрон почта орқалиconsulartashkent@state.gov манзилига хат ёзиб, унда ўзларининг тўлиқ исм-шарифлари, кимга ҳамроҳ бўлиб кираётганликлари ва паспорт рақамларини юборишлари керак. Хатда 16 ёшга етмаган мурожаат этувчининг қайси кунга суҳбатга ёзилгани аниқ кўрсатилиши керак.

Таржимонларнинг ҳам мурожаат этувчилар билан биргаликда суҳбатга кириши маън этилади. Консуллик бўлими ходимлари суҳбат ўтиш учун инглиз, рус ва ўзбек тилида гапира олади.

Виза учун қилинган барча мурожаатлар алоҳида кўриб чиқилади. Сизнинг қўлингизда муддати тугамаган виза бўлишига ёки сизнинг АҚШга бориб келганлигингизга қарамай, сиз одатий тартиб бўйича қайтадан DS-160 анкетасини тўлдиришингиз, маъмурий тўловни амалга оширишингиз ва суҳбатга янги фотосурат олиб келишингиз лозим.

Мурожаат этишингиз мумкин. Иммиграцион петицияларининг тасдиқланиши учун кетадиган вақт одатда бир неча йилни талаб қилади (қуйидаги сайтда иммиграцион петициялар тасдиқланиши учун кетадиган вақт келтирилган).

Иммиграцион петициянинг тасдиқланишини кутиш пайтида сиз қисқа сафар учун ноиммиграцион визага мурожаат этишингиз мумкин. Лекин шунга аҳамият берингки, суҳбат пайтида сиз учун иммиграцион петиция топширилганлигига қарамай, АҚШда бўлмоқчи бўлган қисқа сафар пайтида сиз АҚШга иммиграция қилмоқчи эмаслигингизни консулга исботлаб бера олишингиз лозим.

Ҳомий мурожаат этувчининг барча харажатларини, жумладан, парвоз чипта тўлови, турар жой ва бошқа тўловларни ўз зиммасига олишга тайёр бўлса-да, визага айнан мурожаат этувчининг ўзи лойиқ топилиши лозим. Консул сиз билан суҳбат давомида ҳомий сизнинг барча харажатларингизни кўтаришини инобатга олади. Аммо ҳомий мурожаат этувчининг барча харажатларини қоплаш кафолатини ўз бўйнига олишига қарамай, у мурожаат этувчини ўз юртига қайтишни талаб қилиш каби қонуний ваколатга эга эмас. Визага мурожаат этувчилар ўзлари шахсан виза талабларига жавоб бера олишлари лозим ва бунга ҳомийнинг кафолати асос бўла олмайди.

Виза муддати унинг қайси турдалигидан қатъи назар узайтирилмайди. Муддат якунида қайтадан янги виза учун мурожаат этиш лозим.

Албатта. DS-160 анкетаси фақат электрон шаклда тўлдирилади. Мурожаат этувчилардан суҳбатга ўзлари билан DS-160 анкетасининг тасдиқ вароғини олиб келишлари талаб этилади. Илтимос, ўзингиз билан DS-160 анкетасининг тўлиқ чоп этилган шаклини олиб келманг.

Баъзи ҳолатларда виза учун қилинган мурожаатни кўриб чиқишда қўшимча маъмурий текширув талаб этилади ва у маълум бир вақтни ўз ичига олади. Визага мурожаат қилганингизда агар шундай ҳолат учраса, сизга мурожаатингиз юзасидан маъмурий текширув бўлиши ҳақида хабар берилади. Кўпинча, бундай текширувлар суҳбат кунидан сўнг 60 кун ичида ниҳоясига етади. Маъмурий текширув ҳақида қўшимча маълумотни қуйидаги веб саҳифада топишингиз мумкин.

Визангизни олганингиздан сўнг унда келтирилган ўзингизнинг шахсий маълумотингизни текшириб чиқинг. Агар визада келтирилган маълумот паспортингиздаги маълумотдан фарқли бўлса ёки маълумотда хатоликка йўл қўйилган бўлса, зудлик билан АҚШ элчихонаси консуллик бўлимига мурожаат этинг.

АҚШга визанинг сўнгги кунига қадар бориш мумкин. Визадаги сана сафар муддатини чегараламайди. АҚШ ҳудудида қанча туришингиз мумкинлигини АҚШ аэропортига етиб келганингиздан сўнг ички хавфсизлик департаменти  белгилаши мумкин. Шуни маълум қиламизки, агар сиз ўз анкетангизда белгиланган муддатдан кўпроқ вақт давомида АҚШ ҳудудида бўлсангиз, бу сизнинг кейинги визага мурожаатингизга салбий таъсир кўрсатиши мумкин.

Агар ички хавфсизлик департаменти томонидан қўйилган талабларга риоя қилсангиз, муаммоларга дуч келмайсиз.

Муаммо туғдирмайди. Агар визангиз муддати тугаган бўлса ҳам, сиз АҚШ ҳудудида ички хавфсизлик департаменти ходими рухсат этган муддатга қадар бўлишингиз мумкин.

Авиакомпания сизга бўш божхона декларациясини (6059В шаклидаги қоғоз) бериши лозим. Битта оила аъзолари учун битта декларация тўлдирилади.

Виза сизга АҚШга кириш кафолатини бермайди, лекин сизга бошқа давлат фуқароси сифатида чегарани кесиб ўтиш учун рухсат олиш имкониятини беради. Ички хавфсизлик департаменти ҳамда божхона ва чегара текшируви ходими бошқа давлат фуқароларига АҚШ ҳудудига киришга рухсат этиш ёки рад этиш ваколатига эга. Бундан ташқари улар АҚШ ҳудудида бўлиш муддатини белгилаш ҳуқуқига ҳам эга. Агар АҚШ ҳудудига кириш рухсат этилса, божхона ва чегара текширув бюроси ходими сизни бошқа давлат фуқароси сифатида АҚШ ҳудудида қанча бўлишингиз мумкинлигини белгилайди. Агар илгари бошқа давлат фуқароларига уларнинг АҚШ ҳудудида бўлиш муддатини кўрсатувчи махсус регистрацион карточкалар берилган бўлса, ҳозирги пайтда бу жараён бутунлай автоматлаштирилган. Ҳозирда шахснинг паспортига божхона ва чегара текшируви бюроси томонидан тамға (штамп) урилиб, унда шахснинг АҚШ ҳудудига қачон кириб келганлиги, визанинг тури ва шахс АҚШда қанча муддат давомида туриши мумкинлиги ҳақидаги маълумот келтирилади. Агар АҚШга кириб келаётган шахсга рўйхатга олинганлигини тасдиғи сифатида ёки иммиграцион мақом олиши учун ёхуд ишга жойлашиш учун рухсат олишида I-94 шаклидаги қоғознинг нусхаси керак бўлса, униwww.cbp.gov/I94 веб саҳифасида топиш мумкин. АҚШ ҳудудига кириш учун рухсат олиш ҳақида кўпроқ маълумот божхона ва чегара текшируви бюроси веб саҳифасидан олиниши мумкин.Давлат департаментининг консуллик ишлари веб саҳифасидаАҚШда туриш муддати ҳақида  тўлиқ маълумот мавжуд.

Айни пайтда барча жараён автоматлаштирилган, лекин агар сизга I-94 шаклидаги қоғоз берилган бўлса ва АҚШдан чиқиб кетишда паспортингизда АҚШ ҳудудига киришни рўйхатга олувчи I-94 (оқ) ёки I-94W (яшил) шаклидаги қоғоз қолган бўлса, демак сизнинг АҚШга бўлган сафарингиз рўйхатдан тўғри ўтказилмаган. I-94 ёки I-94W шаклидаги қоғозларни АҚШ элчихонаси ёхуд бошқа идораларга топширманг.

Агар сиз АҚШ ҳудудини ҳаво ёки сув орқали ташувчи тижорат кемасида (самолёт ёки кема) тарк этган бўлсангиз, сизнинг АҚШни тарк этишингиз мустақил равишда тасдиқланган. Бундан ташқари агар сиз қўниш талонларини сақлаб қолган бўлсангиз, сизнинг АҚШга қилган кейинги сафарингизда қўл келиши мумкин.

Агар сиз АҚШни ерда шахсий улов ёки шахсий самолётда тарк этган бўлсангиз, божхона ва чегара ҳимояси веб саҳифасини кўриб чиқинг.

DS-160 анкетасини қандай тўлдириш тўғрисидаги саволларингизга жавобниhttp://travel.state.gov/content/visas/english/forms/ds-160–online-nonimmigrant-visa-application/frequently-asked-questions.htmlвеб саҳифасидан топишингиз мумкин. Биз сизга DS-160 анкетаси билан боғлиқ саволларингизга жавоб ёки уни тўлдириш бўйича ёрдам бера олмаймиз.

Мумкин, лекин янги биометрик паспортингизни олишингиз билан дарҳол бизларга электрон почта орқали янги паспорт маълумотларини юборинг. Бундан ташқари, суҳбат куни ўзингиз билан эски паспортингиз копиясини олиб келишингиз керак бўлади.

Сизнинг дўстингиз/ қариндошингиз/ касбдошингиз визага мурожаат этувчи деб ҳисобланади. Шу сабабдан, АҚШ қонунчилигига асосан, виза маълумотлари сир сақланади. Шу сабабдан, фақатгина визага мурожаат қилган инсонгина Тошкентдаги АҚШ элчихонаси билан боғланиб, ўз визаси ҳақида маълумот олиши мумкин. Визага тегишли маълумотлар сир тутилгани учун, сиз шу маълумотни визага мурожаат қилган дўстингиз/ қариндошингиз/ касбдошингиздан билиб олишингиз мумкин.