АҚШ Давлат Департаментининг Консуллик Масалалари Бюроси  Интернетда тўлдириладиган ва амалда бўлган анкеталар ўрнини эгаллайдиган янги, ноиммиграцион визаларга мурожаат этиш учун DS-160 анкетасини яратди. DS-160 Электрон Виза Мурожаатнома Шакли (EVAF)ни ташкил этувчи учта анкета –DS-156, DS-157 ва DS-158лар ўрнини эгаллайди.

Мурожаат этувчилар, EVAF тизимида бўлгани сингари, анкеталарни Интернет орқали тўлдиришда давом этадилар. Энди биз саволларнинг «пайдо бўлувчи» таржималарини кўплаб оммабоп тилларда тақдим этамиз, бироқ анкета инглиз тилида топширилиши шартлигича қолади. Янги анкетада мурожаат этувчи фотосуратни Интернет орқали киритиши талаб этилади ва анкетанинг ўзи ҳам Интернет орқали топширилади. Мурожаат этувчи, DS-160 анкетасини тўлдириб бўлиб, фақатгина битта тасдиқлов саҳифасини принтерда чоп этиб олади: https://ceac.state.gov/genniv

Барча мурожаатчилар, ёшдан қатъий назар, янги DS-160 анкетасини тўлдиришлари лозим. Агарда сиз визага қайтадан мурожаат этмоқчи бўлсангиз, у ҳолда аввал ишлатилган DS-160 анкетасини ишлата олмайсиз. Олдин ишлатилган DS-160 анкетасидаги маълумот ўзгармаган бўлса, сиз ушбу маълумотни янги DS-160 анкетасига киритишингиз мумкин. Суҳбатга эски ёки ишлатилган DS-160 анкетаси билан келган мурожаат этувчи суҳбатдан ўта олмайди. Агарда сиз оила билан ёки гуруҳ таркибида визага мурожаат этмоқчи бўлсангиз, унда  ҳар бир оила ёки гуруҳ аъзоси учун, ёшидан қатъий назар (чақалоқлар учун ҳам), алохида DS-160 анкетаси тўлдирилган бўлиши шарт.