АҚШ фуқароси бўлган қаллиғингиз ўз яшаш жойи бўйича ваколатга эга бўлган АҚШ Фуқаролик ва Иммиграция Хизматининг Хизмат Марказига почта орқали I-129 (Чет эл фуқароси бўлган қаллиқ учун петиция) Шаклини топшириши керак. Қаллиғингиз АҚШдан ташқарида яшаётган бўлса, у петицияни ўзининг АҚШда энг сўнгги яшаган жойида ваколатга эга АҚШ Фуқаролик ва Иммиграция Хизматининг АҚШда жойлашган Хизмат Марказига почта орқали топшириши керак.  Қаллиғингиз Сизнинг номингизга петицияни топширганидан кейин, сиз петициянинг мақомини АҚШ Фуқаролик ва Иммиграция Хизматининг Иш Мақомини Текшириш Саҳифасида текширишингиз мумкин.

АҚШ Фуқаролик ва Иммиграция Хизмати маъқулланган петицияни АҚШ Давлат Департаментининг Миллий Виза Марказига юборади. Миллий Виза Маркази эса, ўз навбатида, петицияни Тошкентдаги АҚШ элчихонасининг Иммиграцион Визалар бўлимига жўнатади. Иммиграцион Визалар бўлими сизга электрон почта орқали К-1/К-2 визаларига мурожаат этувчилар учун йўриқнома юборади.

К визаси учун петиция топширганлар ўзларининг Ўзбекистондаги қаллиқлари билан боғланиш мумкин бўлган амал қилиб турган маълумотларни киритишлари шарт. Агар боғланиш маълумотлари киритилмаган бўлса ёки улар нотўғри бўлса, бу ишни кўриб чиқишни ва суҳбат вақтини белгилашни кечиктиради.

Шунингдек, қаллиқ DS-160 электрон анкетани тўлдириши керак. Бу анкетани электрон равишда Консуллик Масалалари Бюросининг Консуллик Электрон Анкеталар Маркази саҳифасида тўлдириш лозим. Сиз суҳбатингизга шу DS-160 анкетасининг тўлдирилганини тасдиқловчи саҳифани принтерда чоп этиб, олиб келишингиз шарт! Илтимос, анкетанинг штрих-коди аниқ чоп этилганига ишонч ҳосил қилинг. Намунани кўриб чиқинг.

Илтимос, йўриқномаларга аниқ амал қилинг. Йўриқномаларга аниқ амал қилмаслик ишингизнинг кўриб чиқилиши кечикишига олиб келиши мумкин.