Жамоатчиликдан олинаётган сўровларнинг кўплиги ва жорий иш ҳажми ошиб бораётгани туфайли Консуллик Бўлимининг Иммиграцион Визалар бўлинмаси электрон почта орқали олинган сўровларга жавоб беришида кечикиш юзага келмоқда. Ҳозирги вақтда бизнинг электрон почта орқали олинган хатларга жавоб бериш муддатимиз 21 иш кунигача етиши мумкин. Шунингдек, унутмангки, факс ёки оддий почта орқали юборилган иммиграцион визаларга оид сўровлар қабул қилинмайди. Барча иммиграцион визаларга оид савол ва мурожаатлар TashkentIV@state.govманзилига жўнатилиши шарт.

Илтимос, қуйидаги йўриқномаларга қатьиян риоя қилинг. Қуйида таърифланган маълумотлар кўрсатилмаган барча мурожаатлар қайтарилади.

Иммиграцион визаларга боғлиқ саволлар ва мурожаатлар учун:

Мурожаатингизни TashkentIV@state.gov электрон почта манзилига юборинг. Сизнинг электрон хатингизда қуйида талаб этилган маълумотлар бўлиши ва маълумот қуйидаги форматда бўлиши шарт:

1. Мурожаатчининг тўлиқ исми ва фамилияси
2. Мурожаатчининг туғилган санаси
3. Иш (кейс) рақами
4. Сиз билан боғланиш мумкин бўлган телефон рақами
5. Сиз билан боғланиш мумкин бўлган электрон почта манзили
6. Сизнинг саволингиз

AҚШда Доимий Қонуний Резидентлари (Грин Кард эгалари)нинг мурожаатлари учун:

Мурожаатингизни TashkentIV@state.gov электрон почта манзилига юборинг. Сизнинг электрон хатингизда қуйида талаб этилган маълумотлар бўлиши ва маълумот қуйидаги форматда бўлиши шарт:

1. АҚШ Доимий Қонуний Резидентининг тўлиқ исми ва фамилияси
2. АҚШ Доимий Қонуний Резидентининг туғилган санаси
3. “A” рақами
4. Сиз билан боғланиш мумкин бўлган телефон рақами
5. Сиз билан боғланиш мумкин бўлган электрон почта манзили
6. Сизнинг саволингиз