2022 йил, 4 июль, Тошкент, Ўзбекистон – Қўшма Штатлар бугун Ўзбекистоннинг COVID-19 га қарши курашини қўллаб-қувватлаб, Ўзбекистон халқи ва ҳукуматига 2 миллион доза Pfizer вакцинасини совға қилди. Ушбу ҳадя Америка Қўшма Штатлари ҳукуматининг коронавирус билан боғлиқ глобал COVAX ташаббуси орқали дунёнинг 115 мамлакатига беғараз тарқатаётган хавфсиз ва самарали 1,2 миллиард доза вакцинанинг бир қисмидир.
Вакцинани олиб келиш маросимида сўзга чиққан USAIDнинг Ўзбекистондаги миссиясининг Cоғлиқни сақлаш офиси директори Черри Гумапас шундай деди: “Ушбу жўнатма 2021 йил июлидан бери Қўшма Штатлар Ўзбекистонга етказиб берган 7,6 миллион дозадан ортиқ АҚШда ишлаб чиқарилган вакциналарга қўшимчадир. АҚШ ҳукумати, шунингдек, СОVАХ доирасида Ўзбекистонга Moderna (7.7 миллион доза) ва AstraZeneca (2.6 миллион доза) вакциналарининг COVAX доирасида келинишини қўллаб-қувватлади”.
Тақдим этилган вакциналардан ташқари, АҚШ USAID ва АҚШ Касалликларни назорат қилиш ва олдини олиш марказлари (СДС) орқали Ўзбекистонда СОВИД-19 га қарши курашиш учун 18,2 миллион доллардан ортиқ маблағ ажратди.
Деярли икки ҳафта олдин Ўзбекистонда COVID-19 нинг энг юқумли вариантларидан бири бўлган Stealth Omicron BА.2 нинг биринчи маҳаллий ҳолати қайд этилган эди. Ҳозир аниқланаётган янги ҳолатлар COVID-19 хавфи ўтиб кетмаганлигини кўрсатмоқда. Шахслар ва оилалар эмлаш орқали ўзларини жиддий касалликлардан ва касалхонага ётқизишдан ҳимоя қилишлари мумкин.
Ушбу хайрия АҚШ ва Ўзбекистон ўртасида дипломатик муносабатлар ўрнатилганининг 30 йиллигига бағишланади. Америка Қўшма Штатлари Ўзбекистонда соғлиқни сақлаш соҳасини доимий қўллаб-қувватлаётгани ҳамкорлигимиз юксак самаралар бераётганидан далолатдир.
Қўшма Штатлар COVID-19 пандемиясига барҳам беришда Ўзбекистон билан ҳамкорлик қилишга содиқдир. Қўшма Штатлар USAID орқали 2020 йилда COVID-19нинг дастлабки кунларидан бошлаб Соғлиқни сақлаш вазирлиги билан ҳамкорлик қилмоқда. USAID Ўзбекистон раҳбариятининг СОВИД-19 нинг ҳалокатли ижтимоий ва иқтисодий таъсирини юмшатиш ва миллий тизимларни келажакдаги эпидемияларга яхшироқ тайёрланишини қўллаб-қувватлаш бўйича саъй-ҳаракатларини қўллаб-қувватлашда давом этмоқда.
###
USAID Ўзбекистон ҳукумати билан мамлакат иқтисодиётини диверсификациялаш ва минтақавий савдони ошириш, саломатлик учун жиддий хавф-хатарлар, жумладан COVID-19ни бартараф этиш, ҳукуматнинг аҳоли эҳтиёжларига оқилона ёндашиш салоҳиятини ошириш йўлида ҳамкорлик қилади. Дастур тўғрисида батафсил маълумот учун https://www.usaid.gov/uzbekistan сайтига ва USAID/Ўзбекистоннинг Facebook саҳифасига ташриф буюринг: https://www.facebook.com/USAIDUzbekistan.
