Техас қишлоқ хўжалиги ва машинасозлик университетининг сув ресурларини бошқариш ва халқаро сув қонуни бўйича эксперти саналган Габриэль Экштайн 6-10 июль кунлари Ўзбекистон ҳукумати мулозимлари учун UNESCO ташкиллаштирган сув ресурсларини бошқаришга оид тренинг-семинарда иштирок этиш мақсадида Ўзбекистонга келди. Ташрифи давомида профессор Экштайн сувнинг иқтисодий бойлик экани хусусида АҚШ элчихонасида йиғилган жамоатчилик вакиллари олдида маъруза қилди. Ундан сўнг, профессор Экштайн бир гуруҳ маҳаллий журналистларнинг сув ресурслари бошқаруви ва халқаро сув қонунига оид саволларига жавоб қайтарди.
