Тошкентдаги АҚШ элчихонаси Артём Пак иштирокида фортепиано мусиқаси концертини қўллаб-қувватлашдан бағоят мамнундир. 22 декабрь соат 19:00 да Ўзбекистон Давлат Консерваториясида бўлиб ўтадиган ушбу кечада Ўзбекистонда биринчи бор фортепианога оид замонавий америкача мусиқанинг энг яхши намуналаридан бири бўлмиш Фредерик Ржевскийнинг “Бирлашган миллат енгилмасдир” композицияси ижро этилади.
Тошкентлик ёш созанда Артём Пак концертда Ржевский куйларидан ташқари Шуберт ва Дебюсси ёзган асарларни ҳам ижро этишни режалаштирган.
Успенский номидаги мусиқа академик лицейи битирувчиси Артём Пак қатор республика ва халқаро миқёсдаги танловлар ғолиби бўлиб, Россия, Чехия Ресупбликаси, Арманистон, Франция, Швейцария, АҚШ ва бошқа кўпгина мамлакатларда ўз маҳоратини намойиш этган.
Концертга кириш бепул, аммо таклифнома бўлиши шарт. Таклифнома олиш учун Tashkent-Program@state.gov электрон почтасига 19 декабрь соат 16:00 дан кечикмай хабар йўллаш мумкин.
