АҚШ элчихонаси 2017 йил 12 август куни Виржиния штатидаги Шарлотсвилл шаҳрида юз берган, бир кишининг ўлими ва ўн тўққиз нафар кишининг оғир жароҳат олишига сабаб бўлган ларзага солувчи зўравонликдан чуқур қайғудадир. Ҳуқуқ-тартибот идораларининг икки нафар ходими ҳам у ҳодисаларни бартараф этиш чоғида ҳалок бўлди. Биз жабрланганларга ҳамдардмиз ҳамда зўравонлик ва нафратни қоралашда мамлакатимиз етакчилари ва нуфузли кишилари билан бир сафда турамиз. Биз Америка қадриятлар, тамойиллар ва қонунлар мамлакати эканидан фахрланамиз. Бу қадриятлар, жумладан, сўз эркинлиги, тинч йўл билан эътироз билдириш, турли шаклдаги хилма-хилликни қабул қилиш ва қонунга мувофиқ тенг ҳимоя қилиниш ҳуқуқи кабиларни ўз ичига олади. Бундай муҳим америкача қадриятлар бир-биримиз билан қандай муносабат ва алоқага киришишда ҳамда элчихона ва ундан ташқарида олиб бораётган дипломатик фаолиятимизда асосий ўринда туради ва бундан кейин ҳам шундай бўлиб қолади.
