7 апрель куни, Хотин-қизлар тарихи ойлиги муносабати билан, Тошкентдаги АҚШ элчихонасининг Жамоатчилик билан алоқалар бўлими Бирлашган Миллатлар Ташкилоти Моделининг Ўзбекистонда “Илм-фандаги гендер тафовутини бартараф этиш” мавзуидаги Биринчи махсус тайёргарликсиз анжуманини ўтказди. 35 нафарга яқин ёш делегатлар, жумладан АҚШ Ҳукуматининг алмашинув дастурлари битирувчилари, Тошкентнинг қатор ўқув муассасалари талабалари ҳамда кенг омма вакиллари анжуманда иштирок этдилар. Жамоатчилик билан алоқалар бўлими бошлиғи Жон Ларсен иштирокчиларни қутлар экан, фан, техника, инжинерия ва математикада (ФТИМ) гендер тафовутини бартараф этиш қанчалик муҳимлигини таъкидлаб ўтди.
БМТ Модели тақлидий моделлаштириш бўлиб, унда талабалар Бирлашган Миллатлар Ташкилотининг турли қўмиталарида вакил сифатида иштирок этадилар, тадқиқотлар олиб борадилар ҳамда ўзлари вакил бўлган мамлакатларнинг ҳақиқий сиёсати асосида сиёсий қарашларни ифода этадилар. БМТ Модели ёшларни умумжаҳон масалаларни ўрганиш ва муҳокама қилиш жараёнига жалб қилибгина қолмасдан, уларда нутқ маҳорати, хат санъати, муаммоларни ечиш, можароларни ҳал этиш, ўзаро келишувга келиш ва ҳамкорлик ўрнатиш каби фойдали малакаларнинг ривожланишига ҳам ёрдам беради.
Қатор баҳс-мунозаралар, бошқарилган ва бошқарилмаган партия йиғилишлари орқали Бирлашган Миллатлар Ташкилоти Моделининг Биринчи махсус тайёргарликсиз анжумани иштирокчилари “Илм-фандаги гендер тафовутини бартараф этиш” бўйича якуний қарорни таклиф этдилар. Анжуман сўнгида саккиз давлат қарорнинг қабул қилинишини қўллаб овоз берди, етти давлат эса бетараф қолди. Ёпилиш маросимида МБТ Моделининг тақлидий анжумани иштирокчиларининг барчасига сертификатлар топширилди.
