Манзил
АҚШ элчихонасининг манзили: Тошкент шаҳри, Юнусобод тумани, 5-квартал, Мойқўрғон кўчаси, 3. Элчихона Тошкент шаҳри марказидан шимол томонда жойлашган. Энг яқин метро станцияси – “Шаҳристон” (собиқ “Ҳабиб Абдуллаев”). Ушбу станциянинг элчихонадан узоқлиги машинада – 5 дақиқа, пиёда – 25 дақиқа.
Почта манзили
100093, Ўзбекистон Республикаси, Тошкент шаҳри, Юнусобод тумани 5-квартал, Мойқўрғон кўчаси, 3.
Консуллик Бўлимига киришда COVID-19 га боғлиқ чекловлар
Илтимос, агар хасталанган бўлсангиз ва/ёки йўтал, иситма, нафас қисиши ва шу каби COVID-19 симптомларига ўхшаш симптомларингиз бўлса, ёки COVID-19 га тиббий анализи инфекцияни аниқ тасдиқлаган шахс билан мулоқотда бўлган бўлсангиз, суҳбатингизни бошқа кунга қолдиринг.
Мурожаат этувчилар вакцина олганлари ёки ПЦР анализининг натижаларини тақдим этишлари талаб этилмайди.
Консуллик Бўлимига ташриф буюрувчилар учун маълумот
Элчихонага киритишнинг қуйидаги қоидалари билан диққат билан танишиб чиқинг.
- Уяли алоқа телефонлари, планшетлар, компьютерлар, флешка хотира мосламалари, фотоаппарат ва видеокамералар сингари электрон мосламаларни Элчихона ҳудудига олиб кириш тақиқланади. Элчихона кираётган мижозлар ва мурожаат этувчиларга тегишли тақиқланган буюмларни сақлаб тура ОЛМАЙДИ. Элчихонада бундай буюмларни сақлаб туриш учун жой йўқ. Шунинг учун, сиз киришингиздан аввал бундай буюмларни бошқа жойда сақлаш тадоригини кўришингиз керак. Агар сиз тақиқланган буюм билан келсангиз, ортга қайтариласиз ва бошқа кунга қайтадан қабулга ёзилишингиз сўралади.
- Элчихонага ташриф буюрувчилар бир кишидан, аэропортлардагига ўхшаш хавфсизлик кўригидан ўтказиб киритиладилар. Илтимос, хавфсизлик хизматимизнинг йўриқларига риоя этинг, чунки уларнинг иши элчихонанинг ва унга ташриф буюрувчиларнинг хавфсизлигини таъминлашдир.
- Ташриф буюрувчилар паспортлари ёки бошқа шахсни тасдиқловчи гувоҳномаларини ўзлари билан олиб келишлари шарт.
- Чемоданлар ва болалар коляскалари сингари катта ҳажмли предметлар хавфсизлик жараёнларини кескин секинлаштиргани ва уларни кириш жойида сақлаш имконияти бўлмагани сабабли, бундай нарсаларни қабулга олиб келинмаслиги сўралади.
- Консуллик бўлимининг ичида ичимлик суви ва ҳожатхоналар мавжуд.
- Элчихона ҳудуди ногиронлар ҳаракатланиши учун мослаштирилган.
- АҚШ фуқароларига хизматлар учун келган шахслар визага мурожаат этувчиларидан алоҳида кутиш залида қабул қилинади.
- АҚШ элчихонаси ҳудудида ёки унинг яқин атрофида шахсий автоуловлар учун автотураргоҳ йўқ.
Элчихона барча ташриф буюрувчиларни имкон қадар тез қабул қилишга ҳаракат қилади. Аммо, ташриф буюрувчилар сони кўп бўлган кунларда ташқарида қабулни кутиш вақти узайиб кетиши мумкин. Бу билан боғлиқ ноқулайликлар учун узр сўраймиз ҳамда сабрингиз ва тушунганингиз учун сизга миннатдорчилик билдирамиз.
