16 ёшга етмаган болалар учун ҳам фуқаролик ҳам қариндошликни тасдиқловчи далиллар талаб этилади. Илгари берилган паспортлар, ота-она ёки қонуний васий билан оилавий муносабатнинг далили сифатида қабул қилинмайди.

16 ёшга етмаган боланинг иккала ота-онаси DS-11 (PDF 100 KБ ёки электрон шакли)  анкетасини паспортга мурожаат этаётган фарзандлари номидан элчихонада имзолаши шарт. Улар, шунингдек, мурожаатга ўзларининг шахсларини тасдиқловчи ва имзолари акс этган ҳужжатларининг нусхасини илова қилишлари керак. (Изоҳ: Ҳозирги вақтда анкеталаримизда “Фавқулодда ҳолатларда боғланиш учун шахс” ҳақидаги бўлимда “Мамлакат” маълумотини киритиб бўлмайди.  Илтимос, АҚШда истиқомат қиладиган фавқулодда ҳолатларда боғланиш учун шахс маълумотларини киритинг.) Агар ота-оналардан бирортаси элчихонага келишининг имконияти бўлмаса, шу ота ёки она нотариал тасдиқланган ва инглиз тилида ёзилган паспорт берилишига розилик ёҳуд нотариал тасдиқланган DS-3053 (PDF 42 KБ) шаклини топшириши шарт. Бу шаклга имзоловчи ота ёки онанинг шахсини тасдиқловчи ва имзоси акс этган ҳужжатининг нусхаси илова қилиниши керак.  Агар мурожаат этишга шахсан келмаган ота ёки онани топишнинг имкони бўлмаса ёки ушбу ота ёки онанинг имзосисиз мурожаат этишнинг бошқа зарур сабаби бўлса DS-5525 (PDF 41 KБ) шакли мурожаат этиш вақтида консуллик бўлимида имзоланиб, топширилиши керак.

Ота-оналикнинг исботи

16 ёшдан кичик АҚШ фуқароси учун паспортга мурожаат этаётган ота-оналар ўзларининг шу боланинг ота-онаси эканликларини исботловчи ҳужжат тақдим этишлари керак. Боланинг ота-онаси билан муносабатини исботловчи ҳужжатларга қуйидагиларнинг бирортаси мисол бўлиши мумкин:

• Тасдиқланган АҚШда туғилганлик ҳақида гувоҳнома (ота-онанинг исми-шарифи кўрсатилган); ёки
• Ўзбекистонда туғилган болалар учун: тасдиқланган чет элда туғилганлик ҳақида гувоҳнома (ота-онанинг исми-шарифи кўрсатилган); ёки
• Чет мамлакатда туғилганлик ҳақида консуллик ҳисоботи (FS-240 шакли) (ота-онанинг исми-шарифи кўрсатилган); ёки
• Чет элда туғилганлик ҳақида гувоҳнома (Form DS-1350 шакли) (ота-онанинг исми-шарифи кўрсатилган); ёки
• Асраб олинганлик ҳақида қарор (асраб олган ота-онанинг исми-шарифи кўрсатилган); ёки
• Бирга қарамоғида яшаш тайинлангани ҳақида суд қарори (custody order); ёки
• Расмий васийлик тайинлангани ҳақида суд қарори.

16 ёшдан кичик болаларнинг паспортга мурожаатлари бўйича махсус шартлар саҳифасида 16 ёшгача бўлган мурожаат этувчиларга тегишли маълумот билан танишинг.

Назарда тутинг: агар сиз 18 ёшга тўлмаган, чет элда туғилган АҚШ фуқаросининг энг биринчи паспортига мурожаат этаётган бўлсангиз, сиз аввал боланинг чет мамлакатда туғилганлиги ҳақида консуллик ҳисоботини олишингиз даркор. Бу ҳақда маълумотни Чет Элда Туғилганлик Ҳақида Консуллик Ҳисоботи саҳифасида ўқишингиз мумкин.