Нотариал хизматлар Ўзбекистонда туриб ишончномалар, молиявий қўллаб-қувватлаш формалари (аффидавит), қасамёд остида тилхат ва аризалар ҳамда бошқа ҳужжатларни расмийлаштириш учун кўрсатилади.

Ҳар бир нотариал хизмат учун 50 АҚШ доллари миқдорида ҳақ олинади.

• Нотариал хизматлар АҚШ паспорти бор шахсларга ва АҚШда қўлланилиши мўлжалланган ҳужжатларни нотариал тасдиқламоқчи бўлган бошқа мамлакат фуқароларига кўрсатилади.
• Консуллар АҚШда одатда давлат нотариуслари кўрсатадиган нотариал хизматларини кўрсатишади. Илтимос, шуни унутмангки, консуллар васиятномаларни, ҳужжатларнинг ҳақиқийлигини ва қилинган арзларнинг ҳақиқийлигини тасдиқлай олмайдилар. Консул фақатгина ҳужжатни имзолаган шахс ҳақиқатдан ҳам қасамёд қилганини ёки ҳақиқатдан ҳам кўрсатиб ўтилган ҳужжатларни тақдим этганини тасдиқлай оладилар.
• Илтимос, нотариал хизматлар учун Интернет орқали қабулга ёзилиш тизими орқали қабулга ёзилинг.

Нотариал тасдиқлаш хизматларининг мисоллари

• Тасдиқнома: “Тасдиқлаш” тан олиш, маъқуллаш ёки ифодалашни англатади; бунда шахс ўз ҳаракатларини тан олиши, масъулиятни зиммасига олиши ва жавобгарликни тан олиши ҳам тушунилади. Масалан, сиз харид шартномасига нотариус ҳузурида имзо қўяр экансиз, ўзингиз шахсан имзолаётганингизни тасдиқлаган бўласиз.
• Қасамёд остида даъво: ёзма ёки чоп этилган равишда, фактларнинг ўз ҳоҳиши билан ва қасамёд ёки шахсий тасдиқнома остида ифодаланиши; бунда қасамёд ёки тасдиқ шундай қасамёдларни қабул қилиш ваколатига эга расмийнинг ҳузурида қабул қилинади.
• Расмий тасдиқнома: Тантанали ва расмий равишда кўрсатиб ўтилган қасамёд остида берилган тасдиқноманинг ҳақиқийлигини таъкидлаш ёхуд гувоҳ рост сўзлашини тасдиқлаш, ва ҳоказо.
• Гувоҳлик: Ҳужжатни имзолаётган томоннинг илтимоси билан ҳужжат имзоланганини ёзма равишда гувоҳ сифатида тасдиқлаш хизмати.
• Корпоратив тасдиқномалар: ҳужжатларни ўзларининг корпоратив лавозимларининг ваколати доирасида имзолаб, нотариал тасдиқламоқчи бўлганлар ўз ваколатларини исботловчи ҳужжатларни ҳам тақдим этишлари шарт.
• Қасамёд: Шахс маълум амалнинг рост ва ҳақиқийлигини таъминлашда виждонан масъуллигининг исталган усулда ифодаланиши. Консул олдида қасамёд остида қасддан ёлғон маълумот тақдим этган шахслар ёлғон гувоҳлик учун қонун доирасида таъқиб этиладилар. (22 U.S.C. 4221)

Қуйидагиларни олиб келинг

• Амал қилиб турган паспорт ёки давлат томонидан берилган шахсни тасдиқловчи бошқа ҳужжат. Ҳайдовчилик гувоҳномаси билан келиш мумкин, бироқ талабалик гувоҳномаси қабул қилинмайди.
• Нотариал тасдиқланиши лозим бўлган ҳужжат. Нотариал тасдиқланиши керак бўлган ҳужжатлар инглиз тилида бўлиши керак. Сизга бу ҳужжатни адвокат тайёрлаб бериши ёки уни ўзингиз тайёрлашингиз мумкин. АҚШ консулининг қаршисида турмагунингизча бу ҳужжатларни имзоламанг. Ҳужжатни нотариал тасдиқлайдиган консулнинг маълумотларини ҳужжатнинг қуйи қисмида ўзингиз ёзманг.
• Агар ҳужжатни имзолаётганда гувоҳлар талаб қилинса, уларни ўзингиз билан қабулга ёзиб, бирга олиб келинг. Консуллик бўлими нотариал хизматлар учун гувоҳлар етказиб бериши талаб этилмайди.

Биз кўрсата олмайдиган хизматлар

Таълим тўғрисидаги ҳужжатларнинг нусхалари ёки ҳақиқийлигини тасдиқлаш: АҚШ элчихонаси таълимга оид ҳужжатларнинг, коллеж баҳолари рўйхатларининг ва дипломларнинг нусхаларини ёки уларнинг таржималарини тасдиқлай олмайди. Шу билан биргаликда, консуллик бўлими ҳужжатларни легаллаштира олмайди ва туғилганлик, никоҳ, ажралиш ва ўлим тўғрисидаги гувоҳномаларнинг ҳамда ҳайдовчилик гувоҳномаларининг нотариал тасдиқланган нусхаларини тайёрлаб бера олмайди.