13 март, 2023 йил, Тошкент, Ўзбекистон – Бугун АҚШ Халқаро тараққиёт агентлиги (USAID) ва IT-Park хамкорлигидаги «Tumaris.Expo» Марказий Осиё стартаплари кўргазмаси, Astrum IT Академиясида бўлиб ўтди. Кўргазмада Ўзбекистон, Қозоғистон ва Қирғизистон аёл тадбиркорлари бошчилигидаги 20 га яқин стартап ўзининг инновацион технологик лойиҳаларини тақдим этди.
USAIDнинг Ўзбекистондаги миссиясининг ахборот-коммуникациялар технологиялари бўйича мутахассиси Санобар Худайбергенова ўз нутқида шундай деди: «XXI аср кўплаб касбларда гендер чегараларини йўқ қилмоқда. Илгари асосан эркаклар учун деб ҳисобланган IT соҳасида USAID аёллар ва қизлар учун муваффақият қозониш, техник ва бизнес кўникмаларини ривожлантириш учун эшикларни очишдан фахрланади”.
Кўргазмада Ўзбекистон Рақамли технологиялар вазири маслаҳатчиси Камола Собирова, IT-Park директори биринчи ўринбосари Абдулаҳад Кўчқоров ва “Beeline Ўзбекистон” бош директори Анжей Малиновски, шунингдек, Ўзбекистон хусусий секторидан келган инвесторлар ва тадбиркорлар иштирок этишди. Дастлаб Ўзбекистонда бошланган Tumaris.Tech дастури Марказий Осиё аёлларининг тадбиркорлик IT-ташаббусларини ҳар томонлама қўллаб-қувватлаб келмоқда. 2020 йилдан бошлаб USAID кўмагида 70 га яқин маҳсулот прототиплари яратилиб, инкубация ва акселерация дастурлари орқали янада ривожлантириш учун 115 та бошланғич лойиҳа танланган.
USAID халқаро тараққиёт бўйича дунёдаги етакчи агентлик ва ривожланиш соҳасида натижаларга эришиш «катализатори» ҳисобланади. Қўшимча маълумот учун https://www.usaid.gov/central-asia-regional ва USAIDнинг Марказий Осиё бўйича Фэйсбук сахифасига: https://www.facebook.com/USAIDCentralAsia ташриф буюринг. USAIDнинг тадбиркорлик ва бизнес мухитини ривожлантириш бўйича лойихаси хақида қўшимча маълумот учун: https://www.facebook.com/FGICentralAsia сахифасига ташриф буюринг.
