АҚШ элчихонаси ходимлари ва уларнинг оила аъзолари 2 май куни ўтказилган ТИВ Куни доирасидаги тадбирларда иштирок этиб, америкаликларнинг сахийлиги ва кўнгиллилик руҳини амалда намойиш қилдилар. ТИВ Кунида хорижий давлатлар ваколатхоналари ўзларининг миллий таомларини сотувга қўядилар, тўпланган маблағларни эса хайрияга йўналтирадилар.
АҚШ элчихонасининг стендида гамбургер ва чизбургерлар қовурилиб, сотилди, шунингдек америкалик ходимлар томонидан пиширилган турли хил печеньелар, кекслар ва бошқа пишириқлар таклиф этилди. Жорий йилда АҚШ элчихонаси ўз стендига ёрдам тариқасида маблағ тўплаш ва пул кўринишида бўлмаган эҳсонларни олиш учун давлат ва хусусий сектор ҳамкорлиги тамойилидан унумли фойдаланди. «Pepsi» корхонаси мўл-кўл салқинлантирувчи ва спиртсиз ичимликларни тақдим этди, ҳатто музлатгич билан ҳам таъминлади. «Honeywell» корхонаси ҳам гамбургерлар учун гўшт сотиб олишга етадиган маблағларни эҳсон қилди.
Америкалик ходимлар томонидан тақдим этилган печенье ва бошқа пишириқларга қўшимча равишда, уларнинг кўплари маблағ ва «Jack Daniels» вискиси кўринишида эҳсон қилдилар, тадбирда мазкур вискига талаб катта бўлди. Тадбирга келганларнинг кўплари гамбургер харид қилиш учун навбатга туриб олдилар, чунки қовурилаётган бургерларнинг ҳиди барча томонга тарқалар эди. Шоколадли печенье ва безатилган кексларнинг ажойиб намойиши эса катталар ва болаларнинг эътиборини ўзига тортиб, уларни навбатга туришга чорлади.
