АҚШнинг Тошкентдаги элчихонаси АҚШ Давлат департаментининг Спорт дипломатияси бўлими томонидан молиялаштириладиган «Sports Visitor» дастурида қатнашиш учун аризалар қабул қилинаётганини эълон қилади. Дастур Ўзбекистоннинг барча минтақаларидан ўз-ўзини ҳимоя қилиш бўйича аёл инструкторларга мўлжалланган.
«Sports Visitor» дастури бутун дунёдаги ёш спортчиларга қисқа муддатли маданий алмашинув учун Қўшма Штатларга ташриф буюриш имкониятини тақдим этади. Дастур давомида иштирокчилар америкалик тенгдошлари ва спорт инструкторлари билан ўз тажрибаларини ўртоқлашишлари, етакчилик, жамоа тузиш ва ихтилофларни ҳал этиш, шунингдек, спортда инклюзивлик ва тенглик бўйича семинар ва сессияларда қатнашишлари мумкин. «Sports Visitor» дастури ёш инсонларга спортдаги муваффақиятлар синфдаги ва умуман ҳаётдаги ютуқларга йўл очадиган ташаббусдир. У, шунингдек, америкаликларга бутун дунёдан келган одамлар билан танишиш ва яқиндан билиб олиш имконини беради.
Биз спортнинг одамларни бирлаштирувчи ва тинчликни тарғиб этишга кўмак берувчи кучига ишонамиз. «Спорт дипломатияси» ташаббуси доирасида, ҳамда, ўзбекистонликларнинг мамлакат вилоятларида аёлларнинг ўз-ўзини ҳимоя қилиш курсларини очиш борасида келиб тушган кўплаб илтимосларига жавобан АҚШнинг Тошкентдаги элчихонаси Ўзбекистоннинг барча минтақаларидан «Sports Visitor» дастурида қатнашиш учун 14 нафар аёл мураббийларни очиқ танлов асосида саралаб олишни режалаштирмоқда.
Саралаб олинган инструкторларга икки ҳафталик «Sports Visitor» дастури доирасида Қўшма Штатларга сафар қилиш, Американинг аёлларнинг ҳуқуқ ва имкониятларини кенгайтиришга қаратилган омихталаштирилган ўзини ҳимоя қилиш ўқув дастурларини ўқитиш тажрибасини ўрганиш, профессионал инструкторлар ўтказадиган жисмоний ва руҳий саломатлик бўйича сессияларда қатнашиш, шунингдек, Америка маданияти билан танишиш имконияти тақдим этилади.
Молиявий кўмак
«Sports Visitor» дастурида иштирок этиш бепул бўлиб, саралаш очиқ танлов асосида ўтказилади. Қуйида санаб ўтилган талабларга жавоб берувчи ҳар бир киши ариза топшириши мумкин.
Малакавий талаблар
Дастур:
- ёши дастурнинг бошланиш палласига қадар (2022 йил июли) 21 дан ошган;
- Ўзбекистон фуқароси бўлган, айни дамда Ўзбекистон вилоятларида, шу жумладан Тошкентда ва Қорақалпоғистон Республикасида истиқомат қиладиган;
- ўзбек, инглиз ёки рус тилини биладиган (инглиз тилини билиш мажбурий талаб эмас);
- яхши жисмоний ва руҳий ҳолатдаги;
- ўзаро тенг, жинсий зўравонликдан ҳоли дунёга америкача назарни қўллаб-қувватлайдиган;
- ўзининг маҳаллий жамоасида профессионал спорт тадбирларида мунтазам иштирок этувчи;
- икки йиллик профессионал ўзини ҳимоя қилиш/жанговар санъатлар, шу жумладан бокс, кикбоксинг, карате, реслинг, самбо, дзюдо, тхэквондо, муай-тай ва бошқаларни ўрганиш тажрибасига эга;
- ўзини ҳимоя қилиш/ҳарбий санъатлар бўйича камида 50 соат амалий машғулот ўтаган;
- спорт клубига, тренажёр залига ёки бошқа маҳаллий спорт ташкилотига дахлдор ва/ёки унинг инструкторлик таркибига кирадиган;
- АҚШ элчихонасининг молиявий кўмаги ёрдамида ёхуд усиз ўз минтақасида аёллар ва қизлар учун ўзини ҳимоя қилиш курслари яратишга тайёр ёки бу борада реал режага эга;
- 2022 йилнинг июль-август ойларида АҚШга икки ҳафтага бориб келиш имкониятига эга;
- АҚШнинг дастур учун зарур бўлган таълим алмашинуви визасини (J-1) олиш ва сақлаш ҳуқуқига эга;
- дастур якунланганидан сўнг бевосита Ўзбекистонга қайтиб келиш мажбуриятини оладиган ўзини ҳимоя қилиш бўйича аёл инструкторлар учун очиқдир.
Қуйида кўрсатилган шахслар «Sports Visitor» дастурида иштирок этиш ҳуқуқига эга эмас:
- АҚШ фуқаролари ҳамда АҚШнинг доимий истиқоматчиси мақомига эга бўлганлар;
- Айни кунларда Ўзбекистондан ташқарида яшаб турган шахслар;
- «Sports Visitor» дастури битирувчилари;
- Эркаклар.
АРИЗАНИ ҚАНДАЙ ТОПШИРИШ КЕРАК?
Сиз «Sports Visitor» дастурида иштирок этиш учун онлайн-аризани қуйида кўрсатилган тиллардан бирида тўлдиришингиз мумкин. Илтимос, аризани фақат битта тилда тўлдиринг.
Аризани ўзбек тилида тўлдириш учун қуйидаги ҳаволага ўтинг: https://forms.gle/bJVyyLe78K28SeSh9
Аризани инглиз тилида тўлдириш учун қуйидаги ҳаволага ўтинг: https://forms.gle/M6mtGshzufE475Kc8
Аризани рус тилида тўлдириш учун қуйидаги ҳаволага ўтинг: https://forms.gle/STi2NaLuxNazoHvSA
Ариза топширишнинг охирги муддати: Сиз онлайн-аризани 2022 йил 10 апрель соат 18:00 дан (Ўзбекистоннинг маҳаллий вақти билан) кечикмай топширишингиз керак.
Нотўкис аризалар саралашдан чиқариб юборилиб, Саралаш комиссияси томонидан кўриб чиқилмайди. Фақатгина ариза асосида саралаб олинган номзодлар суҳбатга таклиф этилади.
