O’zbekistonliklarni Amerika Qo’shma Shtatlaridan Olib Chiqishga Doir Matbuot Xabarnomasi

Juma, 22-dekabr, 2023-yil

20-dekabr, chorshanba kuni Amerika Qo‘shma Shtatlari AQShga noqonuniy kirgan O‘zbekiston fuqarolarini mamlakatdan olib chiqishda yordam berdi.

AQSh-Meksika chegarasi orqali Qo’shma Shtatlarga noqonuniy migratsiya xavfli va qimmatdir. Biz bunday harakatlarni keskin qoralaymiz va o’zbekistonliklarni odamlarga tovar sifatida qaraydigan jinoiy kontrabandachilarning yolg‘onlari qurboni bo‘lib qolmasliklaridan ogohlantiramiz. AQSh chegaralari noqonuniy migratsiya uchun ochiq emas. Biz O’zbekiston fuqarolarini Qo’shma Shtatlarga safar qilishda xavfsiz va qonuniy yo’ldan foydalanishga undaymiz.

Amerika Qo’shma Shtatlari AQShda qolish uchun qonuniy asosga ega bo’lmagan O’zbekiston fuqarolarini mamlakatdan chiqarib yuborish uchun O’zbekiston hukumati bilan yaqindan ish olib bormoqda. O‘zbekistonning Amerika Qo‘shma Shtatlaridan chiqarib yuborilishi shart bo’lgan fuqarolarining o’z mamlakatiga qaytishini osonlashtirish bo‘yicha yo’lga qo’ygan hamkorligi uning xalqaro majburiyatlarga sodiqligini ko‘rsatadi.

Bayden-Harris ma’muriyati muhojirlarning AQShga qonuniy kirishi uchun xavfsiz va tartibli yo’llarni kengaytirish uchun muhim qadamlar qo’ydi. Xavfsiz va qonuniy yo’llardan foydalanish, jumladan grin karta dasturi orqali borish, odamlarga AQSh immigratsiya qonunlariga rioya qilgan holda Qo’shma Shtatlarda yashash va ishlash imkoniyatlarini taklif etadi.

AQSh chegarasini noqonuniy kesib o’tgan shaxslar unga kamida besh yil davomida qonuniy ravishda qayta kirishlari taqiqlanadi. Noqonuniy migratsiyaga yordam beruvchi oila a’zolari va boshqa kishilar ham doimiy ravishda AQSh vizasi olish huquqiga ega emas deb topilishi mumkin.

Amerika Qo’shma Shtatlari xavfsiz, tartibli va insonparvar migratsiya jarayonlarini rivojlantirish maqsadida chet ellik hamkorlar bilan faoliyat olib borar ekan, Qo’shma Shtatlarda qolish uchun qonuniy asosga ega bo’lmagan barcha noqonuniy kiruvchilar va fuqaroligi bo’lmaganlarni immigratsiya qonunchiligi (Title 8) vakolati ostida tezda mamlakatdan chiqarib yuboradi.