Жорий йилнинг 27 февраль куни АҚШ халқаро тараққиёт агентлигининг (USAID) Минтақавий иқтисодий ҳамкорлик лойиҳаси (REC), CERT Халқаро академияси билан ҳамкорликда 200га яқин иштирокчилар учун янги ISO 9001:2015 стандартининг тавсиялари бўйича амалий семинар ташкил қилдилар. ISO Халқаро стандарти сертификати маҳсулот ва хизматларнинг хавфсиз, ишончли ва яхши сифатли бўлишини кафолатлашга ёрдам беради, корхоналар эса янги бозорларга чиқиш имкониятига эга бўладидар. Амалий семинар сифат бошқаруви бўйича халқаро андазалар асосида ISO сертификатини олиш учун зарурий бўлган талабларни тушунтиришга қаратилди.
Сертификатлаш ва метрология бошқармаси раҳбари очилиш маросимида нутқ билан чиқиб, ISO 9001 бўйича сертификатлаш жараёнининг келиб чиқиши ва ривожланиши ҳақида маълумот берди. У сертификатлашга нисбатан бўлган юқори талабни ҳамда Ўзбекистондаги корхоналарнинг ўз маҳсулотларини аккредитация қилиш жараёнини амалга оширишлари ва тезлаштиришлари кераклигини қайд этди. Амалий семинар Самарқанд шаҳрида ўтказилган бўлса ҳам, Фарғона, Қашқадарё, Бухоро, Навоий, Жиззах, Тошкент, Хоразм ва Сурхандарё вилоятларидан ҳам қатнашчиларни жалб қилди. Турли вилоятлардан келган иштирокчиларнинг кўп сонли адади халқаро андазалар бўйича сертификатлаш ҳақидаги маълумот борасида тадбиркорлик ҳамжамияти томонидан юқори талаб мавжудлигига далолат қилади.
USAID вакили тадбир давомида экспорт бозорларининг рақобатчилик табиатига урғу берди ва сифат стандартларини таъминлаш заруриятига эътиборни қаратди. Семинар давомида ISO 9001 сертификациясидан ўтган баъзи корхоналарга уларнинг сертификатлари топширилди.
