Биз Халқаро хотин-қизлар байрами кунида дунёнинг ўтган, бугунги ва келгуси аёлларини шарафлаймиз, ҳиссасини эътироф этамиз ҳамда дунё аҳолисининг ярмидан кўпини ташкил этувчи аёллар имкониятларини ошириш учун нима ишлар қилиш кераклиги ҳақида мулоҳаза юритамиз.
Улар тарихда ақл бовар қилмас ютуқларга эришганини ёдга оламиз ҳамда бугунги кунда етакчилик қилаётган, илҳом бераётган, жамоалари ҳаётини яхшилаш учун ишлаётган, можароларга ечим қидираётган, касалларни даволаётган, тинч ва фаровон жамият қураётган аёлларни олқишлаймиз. Қизлар олдида тенг имкониятлар жинс билан чекланмайди, деган мажбурият оламиз.
Қизларим ва невара қизларим ҳар доим инсон имкониятлари жинс билан белгиланмаслигини исботлаб келяпти. Давлат котиби сифатида жинс билан боғлиқ бирёқлама қарашлар ва камситиш мамлакатларни қолоқ қилиб қўйиши ҳолатларини ўз кўзим билан кўрдим. Бу ишни қилаётганимиз сабаби аҳолининг тенг ярми иқтисодётга ҳиссасини қўшмаса, у гуллаб-яшнай олмаслигини билганимиздир. Агар ҳукумат барча аҳолидан ваколат олмаса, халқининг эҳтиёжларини қондира билмайди. Жамиятда мавжуд истеъдодларнинг барчасини ишга солмасдан туриб, бугунги дунё олдида турган улкан маммоларни ҳал этишнинг иложи йўқ.
Давлат департаменти 2007 йилдан бери жаҳоннинг етакчи аёлларини “Халқаро довюрак аёллар” мукофоти билан тақдирлаб келмоқда. Ушбу мукофотни бериш билан глобал тинчлик, фаровонлик ва тараққиётга – кўпинча тақдирнинг шафқатсиз ўйинларидан чўчимай – ҳисса қўшаётган аёллар хизматини эътироф этамиз. Бу йилги мукофот эгаларини 29 март куни қутлашни сабрсизлик билан кутяпман.
Инсон ҳуқуқларига риоя этиш орқали инсон хавфсизлигига эришиш йўлида аёллар дунёмизни ажойиб гўшага айлантирди. Март ойида уларнинг довюраклигини шарафлар эканмиз, бутун дунёдаги қиз ва аёллар олдидаги, “Пекин декларацияси ва ҳаракат платформаси” сингари йўналиш берувчи халқаро ҳужжатлар ва “Барқарор ривожланиш мақсадлари”да жинслар тенглиги асосий ўринда туриши билан боғлиқ мажбуриятларимиз борлигини яна бир карра тасдиқлаймиз.
Ўтган йили декабрь ойида мен Афинадаги “Мелисса тармоғи” деб аталувчи ташкилотга бордим, у ердаги талабгорлар мигрант ёки қочқин аёлларга грек жамиятига мослашиш ёки бошқа мамлакатга кўчиб кетишга ёрдамлашаётган экан. Барчаси аёллардан иборат ўша талабгорлар билан бир оз вақт бирга бўлдим. Улар Европадаги миграция ва қочқинлар буҳронининг олд жабҳасида туриб, бошқа аёлларга яхшироқ жой ва келажакка эга бўлишида кўмаклашмоқда. Бу барчамиз қилишимиз керак бўлган хайрли ишлардан биридир ҳамда ушбу ишга содиқлигимизни тасдиқлаш учун Халқаро хотин-қизлар байрамидан яхшироқ кун йўқдир.
