Жамоа, шунингдек, май ойи охирида Ўзбекистондаги мусобақаларда қатнашади, бу жаҳонгашта спортчилар саёҳатга чиққан 124-мамлакат бўлади
(Атланта, 2019 йил 24 апрель) – 29 апрелдан 6 майга қадар, “Harlem Globetrotters” АҚШ Давлат департаментининг спорт элчилари дастури орқали яна бир бор бутун дунё халқларига яхши ният билдиришдай анъанани давом эттириш мақсадида Ўзбекистонга ташриф буюриб, ёшлар ўртасида баскетбол бўйича ўқув-ўйинлар ўтказади ҳамда мактабларда зўравонликка (буллинг) қарши “T.E.A.M. Up at School” дастурини тақдим этади.
“Globetrotters” юлдузлари Зевс МакКларкин ва TNT Листер олиб борадиган зўравонликка қарши ушбу дастур Қўшма Штатларнинг узоқ йиллардан буён ҳамкор ва шериги саналган Ўзбекистон ҳукумати ва халқи билан маданий ва ижтимоий алоқаларни янада кучайтиришга ёрдамлашишга қаратилгандир.
Машғулотлар ва буллингга қарши дастурдан ташқари, “Harlem Globetrotters” 26, 28 ва 30 май кунлари Тошкентдаги “Ҳумо” аренасида “Washington Generals” билан мусобақалашади. Шу тариқа жамоа дунёнинг 124-мамлакатига ташриф буюриб, Гиннес рекордлар китобининг баскетбол жамоаси ташриф буюрган мамлакатлар сони (123) бўйича ўз рекордини янгилайди.
“Давлат департменти яхши ниятни дунё бўйлаб ёйиш ҳақидаги чақириғига хайрихоҳ бўлиш биз учун шарафдир,”-дейди “Harlem Globetrotters” президенти Ҳовард Смит. “93 йиллик тарихга эга жамоа таркибида бўлиш чуқур маъно касб этади ва биз ўз брендимиз ва маҳоратимизни Ўзбекистондаги янги давраларда намойиш этишдан ниҳоятда бахтиёрмиз”.
“Harlem Globetrotters” Яхши ният элчилари сифатида АҚШ Давлат департаменти билан 1950 йилдан буён яқиндан ҳамкорлик қилиб келмоқда. Ўзаро фаолият давомидаги унутилмас воқеаларнинг бири 1951 йил 22 август куни Германияда юз берган. Ўшанда жамоа Давлат департаменти номидан Берлин Олипия стадионида 75 000 нафар томошабин кўз ўнгида майдонга чиққан. Ўша тарихий кунда бу жамоага олимпия қаҳрамони, 1936 йилги ёзги олимпия ўйинларида тўртта олтин медални қўлга киритган Жесси Оуэнс ҳамроҳлик қилганди. Ўйиндан кейин, давлат котиби Дин Ачесон “Harlem Globetrotters”ни “фавқулодда яхши ният элчилари” дея тан олган.
Айни пайтда ўзининг 2019 йилдаги 93-мавсумини ниҳоясига етказаркан, “Harlem Globetrotters” Американинг ноёб жамоаси ўлароқ миллионлаб кишиларни баскетболга ошно этиб, олти қитъада ўзаро дўстлик ва бир-бирини тушуниш туйғуларини мустаҳкамлашга ҳисса қўшмоқда. 2003 йилдан буён, Давлат департаментининг Таълим ва маданият масалалари бюроси “Спорт элчилари” дастури доирасида 250 нафар америкалик спортчиларни 85 дан ортиқ мамлакатга юборди.
“Harlem Globetrotters®” бутун дунёда афсонавий ва кейинги 92 йил ичида оилавий кўнгилхушлик ва аъло даражадаги баскетбол кўникмаларини ўзида жамлаган жамоа ҳисобланади. Бутун тарихи давомида, жамоа ўз маҳоратини дунёнинг 123 мамлакатида намойиш этиб, кўпинча ишқибозларга баскетбол бўйича илк машғулот ўтказган ҳолда маданий ва ижтимоий тўсиқларга барҳам бериб келмоқда. Нейсмит номидаги Мемориал баскетбол шуҳрат залининг мағрур машҳурлари сифатида жамоа юз миллионлаб кишилар, шу жумладан, поплар, шоҳлар, маликалар ва президентлар кўнглига завқ бағишламоқда. “Яхши ният элчилари”нинг ҳомиёлари қаторига Baden Sports, the Official Basketball, Champion, the Official Uniform & Apparel provider and Tum-e Yummies, the Official Fruit Flavored Drink кабиларни киритиш мумкин. “Harlem Globetrotters International, Inc.” АҚШда йирик оилавий кўнгилочар компания саналган “Herschend Enterprises” филиалидир. “Harlem Globetrotters” ҳақида батафсил маълумот олиш учун жамоа расмий вебсайтига киринг: www.harlemglobetrotters.com ва Твиттер саҳифасини кузатиб боринг: @Globies .
