TechGirls

TechGirls Марказий Осиё, Яқин Шарқ ва Шимолий Африка мамлакатларида яшовчи қизларни илм-фан ва технологиялар соҳасида иш юритишга рағбатлантириш ва илҳомлантиришга қаратилган халқаро ёзги алмашинув дастуридир.

Дастурнинг асосий қисмида Америка Қўшма Штатларида тўрт ҳафта давомида тажриба орттирилади. Дастур иштирокчилари интерактив технолигия ва компьютерга ихтисослашган лагерда кодлаш ва кибер хавфсизлик каби технологияга оид мавзуларни чуқур ўрганадилар ва 45 соатдан ортиқ амалий машғулотларда қатнашадилар.

Ушбу лагерда қизлар технологик компаниялар ва етакчи клиникаларга ташриф буюришади, жамоат хизматларини кўрсатиш ишларида ва маданий тадбирларда иштирок этишади. Дастур тугаллангач, қатнашчилар ўз юртларидаги мактаб ёки жамоа ичида камида битта тренинг-дастур ёки хизмат кўрсатиш билан боғлиқ лойиҳани амалга оширадилар.

TechGirls дастури малака ошириш семинарларида қатнашиш ва АҚШнинг энг яхши инновацион технология мутахассислари билан тажриба алмашиш билан бир қаторда Виржиния технологик лагерида иштирок этиш имконини ҳам беради. Шунингдек, TechGirls дастури бой маданий тажриба имкониятини тақдим этиб, иштирокчиларни технология соҳаси бўйича олий маълумот олишга илҳомлантиради ва ушбу соҳада ишлаш қобилиятини оширади.

2012 йилдан буён, TechGirls дастурида Жазоир, Миср, Иордания, Ливия, Ливан, Марокко ва Фаластин каби мамлакатлардан 15-17 ёшдаги 181 нафар қиз иштирок этиб, билим олди. 2019 йил дастурида Қозоғистон, Қирғизистон, Тожикистон, Туркманистон ва Ўзбекистондан 25 нафар қиз иштирок этади.

TechGirls дастури АҚШ Давлат департаменти қошидаги Таълим ва маданият масалалари бюросининг ташаббусидир.

 Саралаш жараёни

TechGirls дастури иштирокчилари қуйида келтирилган талабларга мувофиқ танлаб олинади. Ҳужжатларни саноат соҳаси етакчилари ва минтақавий экспертлардан иборат мустақил қўмиталар кўриб чиқади. Биринчи босқичдан ўтганлар Ўзбекистондаги АҚШ элчихонасига суҳбатга таклиф этилади.

Муҳим саналар

2018 йил 1 декабрь: Ариза топширишнинг бошланиши
2019 йил 14 февраль: Ариза топширишнинг сўнгги муддати
2019 йил март: Биринчи босқичдан ўтганларга электрон почта орқали хабар берилади
2019 йил апрель: Танлов иштирокчилари саралаб олинади
2019 йил июнь-июль: Муваффақиятли иштирокчилар АҚШда бўладиган муддат

2019 TechGirls дастури талаблари

Қуйидаги талабалар дастурда иштирок этиши мумкин:

  • Ўзбекистонлик қизлар;
  • Алмашув дастури бошланишида 15-17 ёш;
  • Технология, инжиниринг ва/ёки математика соҳаларида илғор тажриба ва жиддий қизиқишга эга;
  • Аниқ фанлар ёки технология соҳасида олий маълумот олиш ё меҳнат қилишни кўзлаган;
  • Инглиз тилини пухта ўзлаштирган;
  • Ўткир зеҳнли, мослашувчан ва очиқ фикрли;
  • Ватанга қайтиб келгач, ўрта мактабда ақалли битта қўшимча семестр ўқиши; ва
  • Уйга қайтгач, жамоада бирон фойдали лойиҳани амалга оширишни кўзлаши лозим бўлади.

Эслатма: Аввал АҚШда бўлмаган ёки чекланган муддат давомида бўлганларга кўпроқ имтиёз берилади. Агар сўнгги уч йил давомида АҚШ Давлат департаменти алмашинув дастурлари доирасида АҚШга сафар қилган бўлсангиз, ушбу дастурда иштирок этишингиз мумкин эмас.

 Дастурда қатнашиш учун ариза топширишнинг сўнгги муддати

Аризалар инглиз тилида тўлдирилиб, 2019 йилнинг 14 февралигача топширилиши шарт. Ариза тўлдириш учун ушбу манзилга ўтинг: http://legacyintl.org/techgirls/participants/eligibility-and-application/