TechGirls дастури
TechGirls – Марказий Осиё, Яқин Шарқ ва Шимолий Африка мамлакатларида яшовчи қизларни илм-фан ва технологиялар соҳасида иш юритишга рағбатлантириш ва илҳомлантиришга қаратилган халқаро ёзги алмашинув дастуридир.
Дастурнинг асосий қисмида Америка Қўшма Штатларида тўрт ҳафта давомида тажриба орттирилади. Дастур иштирокчилари интерактив технолигия ва компьютерга ихтисослашган лагерда кодлаш ва кибер хавфсизлик каби технологияга оид мавзуларни чуқур ўрганадилар ва 45 соатдан ортиқ амалий машғулотларда қатнашадилар.
Ушбу лагерда қизлар технологик компаниялар ва етакчи клиникаларга ташриф буюришади, жамоат хизматларини кўрсатиш ишларида ва маданий тадбирларда иштирок этишади. Дастур тугаллангач, қатнашчилар ўз юртларидаги мактаб ёки жамоа ичида камида битта тренинг-дастур ёки хизмат кўрсатиш билан боғлиқ лойиҳани амалга оширадилар.
TechGirls дастури малака ошириш семинарларида қатнашиш ва АҚШнинг энг яхши инновацион технология мутахассислари билан тажриба алмашиш билан бир қаторда Виржиния технологик лагерида иштирок этиш имконини ҳам беради. Шунингдек, TechGirls дастури бой маданий тажриба имкониятини тақдим этиб, иштирокчиларни технология соҳаси бўйича олий маълумот олишга илҳомлантиради ва ушбу соҳада ишлаш қобилиятини оширади.
TechGirls дастури АҚШ Давлат департаменти қошидаги Таълим ва маданият масалалари бюросининг ташаббусидир.
Саралаш жараёни
TechGirls дастури иштирокчилари қуйида келтирилган талабларга мувофиқ танлаб олинади. Ҳужжатларни саноат соҳаси етакчилари ва минтақавий экспертлардан иборат мустақил қўмиталар кўриб чиқади. Биринчи босқичдан ўтганлар Ўзбекистондаги АҚШ элчихонаси ходимлари билан суҳбатга таклиф этилади.
2021 TechGirls дастури талаблари
Қуйидаги талабалар дастурда иштирок этиши мумкин:
- Ўзбекистонлик қизлар;
- Алмашув дастури бошланишида 15-17 ёш. Диққат: 2021 йилнинг 1 июни куни сиз 15 ёшдан кичик ёки 17 ёшдан катта бўлсангиз, дастурда иштирок эта олмайсиз.
- Технология, инжиниринг (муҳандислик) ва/ёки математика соҳаларида илғор тажриба ва жиддий қизиқишга эга;
- Аниқ фанлар ёки технология соҳасида олий маълумот олиш ё меҳнат қилишни кўзлаган;
- Инглиз тилини пухта ўзлаштирган;
- Ўткир зеҳнли, мослашувчан ва очиқ фикрли;
- Ватанга қайтиб келгач, ўрта мактабда ақалли битта қўшимча семестр ўқиши; ва
- Уйга қайтгач, жамоада бирон фойдали лойиҳани амалга оширишни кўзлаши лозим бўлади.
Эслатма: Аввал АҚШда бўлмаган ёки чекланган муддат давомида бўлганларга кўпроқ имтиёз берилади. Агар сўнгги уч йил давомида АҚШ Давлат департаменти алмашинув дастурлари доирасида АҚШга сафар қилган бўлсангиз, ушбу дастурда иштирок этишингиз мумкин эмас.
АҚШ элчихонаси ёки АҚШ Давлат департаменти ходимларининг оила аъзолари дастурда иштирок эта олмайдилар.
Муҳим саналар
2020 йил 15 ноябрь: ариза топширишнинг бошланиши
2021 йил 15 январь: ариза топширишнинг сўнгги муддати
2021 йил февраль: биринчи босқичдан ўтганларга электрон почта орқали хабар берилади
2021 йил апрель: танлов иштирокчилари саралаб олинади
2021 йил 3-30 июль: муваффақиятли иштирокчилар АҚШда бўладиган муддат
Ариза топшириш муддати
Аризалар инглиз тилида тўлдирилиб, 2021 йил 15 январь соат 19:00гача топширилиши шарт. Ариза тўлдириш учун ушбу манзилга ўтинг: http://legacyintl.org/techgirls/
Биз билан боғланинг
Барча саволларингизни Tashkent-Exchanges@state.gov электрон почта манзилига йўлланг. Электрон хатингиз мавзусига «TechGirls» деб ёзинг.
