АҚШ Касалликларни назорат қилиш ва олдини олиш марказлари (CDC) Санитария-эпидемиологик осойишталик ва жамоат саломатлиги хизматининг 20 нафар ходими ҳамда Тошкент тиббиёт академиясининг 10 нафар мураббийи учун беш кунлик дала эпидемологияси дастурини (FETP) бошлади. FETP – бу тиббиёт ходимларининг эпидемиологик тадқиқотлар ўтказиш ва касалликларнинг тарқалишига тегишли жавоб қайтариш қобилиятини яхшилаш мақсадида жамоат саломатлигини сақлаш тизимининг барча бўғинларидаги тиббиёт ходимлари учун хизмат кўрсатишга асосланган ўқув дастури.
Тадбир очилишида сўзга чиққан АҚШнинг Ўзбекистондаги элчихонаси миссия бошлиғи ўринбосари Алан Мельцер қуйидагиларни таъкидлади: “COVID-19 эпидемияларни ўз вақтида аниқлаш, уларга қарши чораларни кучайтириш ҳамда одамлар ҳаётини сақлаб қолиш мақсадида барча мамлакатларда, шу жумаладан Ўзбекистонда, дала эпидемиологияси салоҳиятини кенгайтириш ва кучайтиришни кечиктириб бўлмаслиги ҳақида қатъий эслатмадир”.
Ушбу дастурни Ўзбекистонда муваффақиятли амалга ошириш учун CDC Ўзбекистон соғлиқни сақлаш вазирлиги, Санитария-эпидемиологик осойишталик ва жамоат саломатлиги хизмати ҳамда Тошкент тиббиёт академияси билан ҳамкорлик қилади. Ўқув дастури ишдан ажралмаган ҳолда уч ойлик модулни ўз ичига олиб, у касалликларнинг олдини олиш ва эпидемияга қарши курашда олдинги сафларда ишловчи эпидемиологларда муҳим кўникмаларни ривожлантиради. Дастур касалликларни аниқлаш, ҳисобот бериш ва жавоб чораларини яхшилашга эътиборни кучайтирган ҳолда касалликларни кузатишни маҳаллий даражада такомиллаштиришга қаратилган.
CDC ушбу дастурни Тошкент тиббиёт академияси таркибига киритилиши, кейинчалик у вазирлик томонидан доимий эътиборга олинишини қўллаб-қувватлайди. Дастурнинг Ўзбекистондаги битирувчилари COVID-19 эпидемиясини аниқлаш, унга ўз вақтида таъсир кўрсатиш, саломатликни кузатиш тизимларини яратиш ва каслликларга қарши курашда маҳаллий тажрибаларни тушунишда ўз ҳиссаларини қўшадилар.
COVID-19 пандемияси аниқлангандан буён АҚШ ҳукумати Ўзбекистонга 9 миллион доллардан ортиқ тез тиббий ёрдам кўрсатди. Бу, жумладан, техник кўмак, лаборатория ва тест ўтказиш ускуналари ҳамда бутун мамлакат бўйлаб ўртанилган 200 дона сунъий нафас бериш аппаратларини ўз ичига олади.
